SOS Fshatrat e Fëmijëve Kosovë dënon fuqishëm çdo formë të dhunës dhe abuzimit ndaj fëmijëve dhe të rinjve. Ne jemi të përkushtuar për të krijuar dhe ruajtur një mjedis të sigurt dhe mbrojtës për çdo fëmijë dhe të ri që mbështesim përmes programeve tona.

Ne dëshirojmë të dëgjojmë shqetësimin tuaj, edhe nëse dëshironi ta bëni atë në mënyrë anonime për më shumë rehati. Ne garantojmë konfidencialitetin e plotë në të gjitha komunikimet. Një ekip i dedikuar për mbrojtjen e fëmijëve, me akses ekskluziv në sistemin tonë të sinjalizimit online, do të shqyrtojë çështjen, do t’ju mbajë të informuar dhe do të ndërmarrë veprimet e nevojshme.

SOS Fshatrat e Fëmijëve Kosovë kujdeset për ju, qoftë në një fshat të fëmijëve SOS Kosovë apo diku tjetër ku jetoni. Kjo mund të përfshijë gjithashtu mbështetjen tuaj në shkollë, trajnimin profesional, ose ofrimin e trajtimit mjekësor.

Në mënyrë që të lehtësohet procesi i raportimit për gazetarët, ky udhëzues përfshin një pasqyrë të detajuar të kuadrit ligjor përkatës, kodit etik, dhe rregullave të brendshme të institucionit tonë. Me këtë qasje, ne synojmë të garantojmë që çdo raportim të bëhet me përgjegjësi dhe integritet të plotë, duke mbrojtur interesat dhe dinjitetin e të gjithë individëve të përfshirë.

Ndonjëherë, njerëzit, qoftë pa dashje ose me qëllim, mund t’u shkaktojnë dëm fëmijëve. Prandaj, mund të përjetoni ose të jeni dëshmitar i një sjelljeje të papërshtatshme nga një bashkëpunëtor i SOS ose një person tjetër, si për shembull:

• Rrahja e juve ose e një fëmije tjetër si formë ndëshkimi.
• Mosofrimi i trajtimit të nevojshëm për ju ose për një fëmijë tjetër që është i sëmurë.
• Abuzimi seksual ndaj juve, një fëmije tjetër ose të riu, përfshirë fotografimin nudo të një fëmije ose shfaqjen e imazheve të papërshtatshme.
• Neglizhenca ndaj juve ose një fëmije tjetër, duke mos siguruar ushqim të mjaftueshëm ose rroba të pastra.

Nëse jeni dëshmitar ose përjetoni diçka të tillë, gjëja më e drejtë është të informoni dikë nga SOS Fshatrat e Fëmijëve Kosovë, të cilit i besoni.

Nëse nuk ndiheni rehat ta bëni këtë, ju mund të na informoni drejtpërdrejt përmes këtij kanali. Ne jemi ekipi i mbrojtjes së fëmijëve në SOS Fshatrat e Fëmijëve Kosovë dhe do të reagojmë ndaj shqetësimit tuaj.

Mund të na kontaktoni duke mbushur formen më poshtë.